Түркістан қаласындағы Теннис орталығында өтіп жатқан шарада Қазақстанның 13 қаласынан келген спортшылар бақ сынасуда.
Ұйымдастырушы : Түркістан қалалық «Балалар мен жасөспірімдер спорт клубы»
Атырау, Орал, Ақтау, Ақтөбе, Алматы, Астана, Шымкент, Қостанай, Өскемен, Талдықорған, Тараз, Қарағанды және Түркістан облысы мен Түркістан қаласы атынан қатысу спортшылардың жас аралығы 6 жастан 12 жасқа дейінгі жасөспірімдер.
Олар қызыл, қызғылт сары және жасыл доп түрлерінен сыналуда.
Жарыстың салтанатты ашылуы Теннис кортының залында өтті.
Қатысушыларға сәттілік тілеп, ізгі ниетін жеткізуге Түркістан облыстық «Дене шынықтыру және спорт басқармасы» басшысы Қанат Жолдықараев пен Түркістан қаласы әкімінің орынбасары Ерлан Кузембаев келді.
Алғы сөз алған басқарма басшысы Қанат Жарылқапұлы өз сөзінде спорттың қоғам дамуындағы маңыздылығына тоқталды.
Сондай-ақ, Ерлан Бақытжанұлы қатысушыларға жылы лебізін арнап, қала әкімінің құттықтауын жеткізді.
Жиын барысында бәйгеде бақ сынаушы жасөсіпірімдерге қала әкімінің атынан жарысқа қатысқаны үшін естелік кәдесыйлары үлестірілді.
Айта кетейік, бәсеке 8 сәуірге дейін жалғасады.
