Түркістан қаласы әкімінің орынбасары Ерлан Бақытжанұлы төрағалығымен жиын өтті.
Басқосуға алты сектор мамандары, қалалық «Полиция басқармасының» қызметкерлері мен қалалық ветеринария мекемесінің мамандары қатысты.
Жиналыста облыс орталығындағы көктемгі дала жұмыстары бойынша бірқатар мәселелер көтерілді.
Атап айтқанда, тұрғындар өтініші бойынша жабайы ит-мысықтарды жою үшін құрылған арнайы топқа бірқатар тапсырмалар жүктелді.
Сондай-ақ, саябақтардағы орындықтар, шамдар т.с.с халық игілігіне жасалған дүниелердің зақымданбауын қамту керектігі айтылды.
Одан бөлек, әр тұрғын үйге тазалық ережелері бойынша түсіндірмелер жүргізу керектігі жеткізілді.
Жалпы, көктем басталғалы қалада 96 тұрғын ит-мысықтан жарақат алғаны туралы шағымданған.
2022 жылы жабайы иесіз иттерді жою өтініші бойынша «109 байланыс орталығына» 1843 қоңырау түссе, биыл бұл көрсеткіш бойынша 491 өтініш қабылданған.
Көктем басталғалы биыл орталықта – 1349 ит, 46 мысық жойылған.
