Бүгін Түркістан қаласының әкімі Нұрбол Тұрашбеков әлем чемпионатының жеңімпаздарын қабылдады.
Ташкент қаласында өткен әлем чемпионатында бокстан ел намысын қорғаған — Санжар Ташкенбай, Махмуд Сабырхан және Нұрбек Оралбайды шаһар басшысы жеңістерімен құттықтап:
-Спорт әрқашан адам өмірінде маңызды орын алған, әрқашан қолдауға ие. Өздеріңіз сияқты спортшылардың жеңісі жастарға мотивация береді. Өзіңе деген сенімді арттырып, сабырлылық пен, еңбекқорлықтың арқасында алынбайтын қамал, жетпейтін асу болмайтынын көрсетеді. Осы талпыныстарыңыздан таймаңыздар, әрқашан елдің көк туын жеңіс тұғырынан желбіретіңіздер,- деді.
Жиын барысы спортшылардың жүрек жарды лебіздерімен жалғасты.
Келесі болып, Түркістан қалалық мәслихаты төрағасы Ғаппар Сәрсенбайұлы сөз алып, тілектестігін жеткізді.
