Түркістан облысының 5 жылдығына орай мүмкіндігі шексіз өнер шеберлері өз құттықтауын жеткізді.
Іс-шара «Фараб» кітапханасында ұйымдастырылды.
Арнайы дайындалған концерттік сценарий аясында ерекше жандар өз өнерлерін ортаға салды.
Жиын басында Түркістан қаласы әкімінің орынбасары Байдулла Жұмадуллаұлы сөз алып, келушілерді облыстың бес жылдық мерей тойымен құттықтады. Сондай-ақ, қала әкімінің арнайы алғыс хаттары мен сыйлықтарын табыстады.
Атап айтқанда, төлебилік «Гауһартас» би тобы, астаналық Алтыншаш Мұқатаева, шымкенттік Салих Калиев пен Әсем Әлжанқызы, Олег Вретиков және Тұрсынай Нәлібаева, Ермек Қалымбетов т.б өнерпаздарға қала әкімінің арнайы алғыс хаты тапсырылды.
Басқосу барысы өнерпаздардың мерекелік ән-шашуымен жалғасты.
Төле би ауданынан келген «Гауһар тас» би тобы, Шымкент қаласынан келген Ермек Қалымбетов ерекше билерімен көрермен көзайымына айналды.
Сонымен қатар, отырарлық Тұрсынай Нәлібаева, қазығұрттық Рүстем Тайыров, ақтөбелік Жалғас Жанат әсем әндерімен қуантты.
