Жалпы қала аумағында 845 шақырымды құрайтын 875 КӨШЕ бар.
2018 жылы жақсы және қанағаттанарлық жағдайдағы жолдардың үлесі 23,5 пайызды құрайтын немесе 199 шақырым жолдар асфальтталған болатын.
Биылғы меже — бұл көрсеткішті 39,5 пайызға жеткізу, яғни асфальтталаған жолдардың ұзындығы 334 шақырымға жетеді.
Тас төселген жолдардың үлесі соңғы 5 жылда
31 пайыздан 59 пайызға дейін жетіп, 502 шақырымды құрады.
2018 жылы сапалы АУЫЗ СУМЕН тұрғындардың 94,1 пайызы қамтылған болатын, соңғы 5 жылда бұл көрсеткіш 4,8 пайызға артып 98,9 пайызды құрады.
Қала аумағында 4 нысанның құрылысы жүргізілуде. Құрылыс жұмыстарын биыл аяқтау жоспарланған.
Нәтижесінде, тұрғындардың 99,5 пайызы таза ауыз сумен қамтылатын болады.
***
Қала аумағында ОРТАЛЫҚТАНДЫРЫЛҒАН КӘРІЗ ЖҮЙЕСІМЕН тұрғындардың 32,2 пайызы қамтылған.
Ағымдағы жылы 11 нысанның құрылысы жүргізілуде, 2 нысан жыл қорытындысымен пайдалануға тапсырылып, қамту деңгейі 36,3 пайызға жетеді.
Сапалы ЭЛЕКТР ҚУАТЫМЕН қамту деңгейі соңғы
5 жылда 18 пайызға артып, биыл 85 пайызды құрады.
Ағымдағы жылға өтпелі 3 нысанның құрылысын жыл соңына дейін аяқтау жоспарлануда.
Нәтижесінде: 1-ші және 2-ші мөлтек аудандар, Яссы, Шауғар мөлтек аудандары мен қаланың орталық көшелері сапалы электр қуатымен қамтылатын болады. Қамту деңгейі 98,5 пайызға жетеді деп жоспарлануда.
***
ТАБИҒИ ГАЗҒА 37 657 абонент қосылған, қамту деңгейі 98 пайызды құрап отыр.
