Түркістанда халық арасында спортты дамытудың түрлі жобалары жүзеге асып келеді.
Соның бірі- бүгін шаһарда кезекті халықаралық дода басталды.
Жасөспірімдер арасында ұйымдастырылған таеквондо жарысына 300-ден аса спортшы қатысуда.
Олар: Өзбекстан, Қырғызстан Республикалары мен Алматы, Шымкент, Атырау, Қызылорда, Байқоңыр қалалары және Түркістан облысының аудандарынан келген спортшылар.
Бүгін жарысты қала әкімінің орынбасары Мекенхан Қозыханұлы ашып берді, қаладағы спорт саласының жетістіктеріне тоқталып, қатысушыларға сәттілік тіледі.
Айта кетейік, Балуан Шолақ спорт кешенінде өтіп жатқан жарыс 7-желтоқсанға дейін жалғасады.
