ҚР Еңбек және халықты әлеуметтік қорғау министрінің 22.02.2021 жылғы «Аға буын азаматтарының жағдайын жақсарту жөніндегі 2025 жылға дейінгі «Белсенді ұзақ өмір сүру» іс-шаралар жоспарын бекіту туралы, №47 бұйрығына сәйкес өңірлерде «Белсенді ұзақ өмір» орталықтарын ашу тапсырылған.
Ардагерлермен мен зейнеткерлерге қамқорлық жасау, қарт адамдардың өмір сүру сапасын жақсарту, оның ішінде жүйелі бос уақытты ұйымдастыру, оларды қоғамның белсенді өміріне тарту мемлекетіміздің саясатының басым бағыттарының бірі болып табылады.
«Белсенді ұзақ өмір» орталығының мақсаты зейнет жасындағы адамдардың салауатты өмір сүруі мен денсаулығына оң жағдай жасау. Өзіне-өзі қызмет ету және белсенді қимыл-қозғалыс қабілетін сақтаған қарт адамдарға әлеуметтік-медициналық, әлеуметтік-білім беру, әлеуметтік-психологиялық, әлеуметтік-тұрмыстық және бос уақытты пайдалы өткізудің кешенін ұсыну, олардың белсенді өмір сүру салтын сақтау және дамыту.
Осыған орай, Түркістан қаласы әкімдігінің «Инфрақұрылым және коммуникациялар бөлімі» мемлекеттік меншігіндегі Түркістан қаласындағы, Б.Саттарханов № 42 үйде орналасқан ғимараты (ғимараттың ауданы 750 шаршы метр) белгіленді. 2024 жылы 02 қыркүйек күні « Белсенді ұзақ өмір »орталығының №2 бөлімі ашылды.
2025 жылы Түркістан қалалық жергілікті бюджеттен «Белсенді ұзақ өмір» орталығы № 2 бөліміне жұмыс істеуін қаржыландыруды қарастыру бойынша 70 461мың теңге бөлінді. 13,5 штаттық бірлік құрылды.
Бүгінгі таңда Түркістан қаласында 14 915 мыңнан астам зейнеткерлер тұрады. Орталықта күнделікті 60-70 зейнеткер тиісті қызметтерін, бір айда 120 — 150 адам қызметтермен қамтылады. Жыл басынан жоспар бойынша 1200 адамға қызмет көрсету жоспарланып, кәзіргі таңда 360 адамға қызмет көрсетілуде.
Орталықта 7 бағыт бойынша қызметтер ұйымдастырылады (әлеуметтік-медициналық, әлеуметтік-психологиялық, әлеуметтік-құқықтық, әлеуметтік-ағартушылық, әлеуметтік-экономикалық, әлеуметтік-еңбек, әлеуметтік-демалыс).
Бұл бағыттағы жұмыстар жалғасуда. Көрсетілетін қызметтің 7 бағыты бойынша осы кезге дейін 3113 қызмет көрсетіледі.
Директор: Г. Даханова
