Сауран ауданына қарасты Оранғай ауылында Құрбан айт мерекесіне орай кең көлемді іс-шара өтті. Ауыл тұрғындарына арналған концерттік бағдарлама, ұлттық тағамдар ұсынылған ақ дастархан және спорттық жарыстар ұйымдастырылды.
Сауран ауданы спорт клубының ұйымдастыруымен өткен спорттық сайыстарға жасөспірімдер мен ересектер белсене қатысты. Жарыстарға арқан тарту, ләңгі тебу, қол күрес, гір тасын көтеру және қошқар көтеру секілді ұлттық ойындар енгізілді.
Жеңімпаздар дипломдармен, медальдармен және бағалы сыйлықтармен марапатталды. Бұл шара ауыл тұрғындарының бірлігін нығайтып, ұлттық дәстүрлерді дәріптеуге үлес қосты.
Қоғамда дені сау, белсенді әрі жан-жақты дамыған ұрпақ тәрбиелеудің басты тетіктерінің бірі – спорт. Ал спорттық сайыстар – тек бәсекелестік емес, ол – тәрбие мен бірліктің мектебі.
Мектеп қабырғасынан бастап мекемелер мен өңірлер арасында өтетін спорттық жарыстар жастардың физикалық, рухани, психологиялық дамуына ықпал етеді. Сайыс кезінде қатысушылар:
— жеңіске ұмтылып, табандылық пен еңбекқорлықты үйренеді,
— командалық рухты сезінеді,
— саламатты өмір салтын қалыптастырады,
— жаман әдеттерден бойын аулақ ұстайды.
Спорттық жарыстар қоғамдағы достық пен татулықты арттырып, ұлттың бірігуіне ықпал етеді. Жергілікті деңгейдегі жарыстардан бастап республикалық, халықаралық деңгейге дейінгі жол – әр спортшы үшін үлкен ынта мен еңбек нәтижесі. Сонымен қатар, спорт сайыстары ел ішіндегі таланттарды анықтап, оларды үлкен аренаға жолдауға мүмкіндік береді.
Президент Қасым-Жомарт Тоқаев өз Жолдауларында бұқаралық спортты дамытудың, спорт инфрақұрылымын қолжетімді етудің маңызын жиі атап өтеді. Бұл – салауатты ұлт қалыптастыру жолындағы жүйелі қадам.
Сондықтан спорттық сайыстар – тек жарыс емес, ұлт болашағына салынған берік негіз.
