Президент Қ.Тоқаев халықпен тікелей кездесудің маңыздылығын бірнеше рет атап өткен. «Халық үніне құлақ асатын мемлекет» тұжрымдамасы — оның басты саясатының өзегі.
Президенттің тапсырмалары мен нақты ұстанымдары:
1. Халықпен диалог орнату – билік міндеті:
«Халық үніне құлақ асатын мемлекет» – бұл елдің әр азаматының сөзі еленетін, әрбір сұранысына дер кезінде жауап беретін билік жүйесі болуы тиіс.
2. Тікелей кері байланысты күшейту:
Президент барлық деңгейдегі әкімдерге, мемлекеттік органдарға халықпен кері байланыс орнатуды, арыз-шағымдарға жедел әрі ашық жауап беруді тапсырды.
3. Цифрлық құралдарды дамыту:
Мемлекеттік қызметтер мен өтініштерді қарау процестерін цифрландыруды және «ашық әкімдік» форматтарын кеңейтуді міндеттеді.
4. Қоғамдық кеңестер мен азаматтық бақылау:
«Біз азаматтық қоғамды дамытуға мән беруіміз керек. Қоғамдық кеңестердің рөлін арттыру – бұл тұжырымдаманың нақты бір тетігі.»
5. Нәтижеге жұмыс істеу:
«Бюрократия азайып, әрбір мемлекеттік қызметші нақты іске жауапты болуы тиіс. Бұл тұжырымдама – билік пен қоғам арасында сенімге негізделген жаңа форматтағы қатынасты қалыптастыру тапсырмасы.
Президенттің осы тапсырмалары мен тұжырымдамалары негізінде, Кентау қаласының әкімі Жандос Тасов қала аумағындағы бірқатар көпқабатты тұрғын үй аулаларын аралап, жүргізіліп жатқан орташа жөндеу жұмыстарының барысымен танысты.
Бүгінде, Абай даңғылы №19, 23 және Әл-Фараби көшесі №61, 63, 63А, 65А/1, 65А/2, 65А/3, 69 мекен-жайларындағы көпқабатты тұрғын үй аулаларындағы орташа жөндеу жұмыстары басталған.
Сонымен қатар, Шүлембаев көшесі №4, 8, 10, Т.Рысқұлов көшесі №1, 3, 5, 7, 9, Каленов көшесі №1, 3, 5, 7, 9, Ы.Алтынсарин көшесі №4, 8, 10 мекен-жайларындағы аулаларға жол жиек тастары орнатылып, орташа жөндеу жұмыстары жүргізілуде.
Аталған құрылыс жұмыстарын ағымдағы жылдың тамыз айына дейін аяқтау жоспарлануда.
Аралау барысында қала тұрғындарымен тілдескен қала басшысы олардың пікірлеріне назар аударды. Тұрғындар балалар ойын алаңшасын жаңарту, аула ішіндегі автотұрақ мәселесін шешу және аулалардағы абаттандыру жұмыстарын жандандыру жөніндегі өз өтініштерін жеткізді.
Қала әкімі Жандос Тасов тұрғындардың барлық өтініштері мен ұсыныстары міндетті түрде назарға алынатынын айтып, жауапты бөлім басшылары мен мердігер мекемелерге нақты тапсырмалар жүктеді.
Сондай-ақ, барлық жөндеу жұмыстарының сапалы, әрі белгіленген мерзімде аяқталуын қамтамасыз ету тапсырылды.
