Жастар арасындағы агрессиялық, зорлық-зомбылық және бейәлеуметтік мінез-құлықтың алдын алу мақсатында Сауран ауданында мектеп оқушылары арасында “Буллинг және кибербуллинг” тақырыбында түсіндіру жұмыстары ұйымдастырылды.
Іс-шараның негізгі мақсаты – жастар мен жасөспірімдерге әлімжеттік пен зорлық-зомбылықтың салдары туралы толық мағлұмат беру, олардың алдын алу жолдарын түсіндіру және құқықтық сауаттылықты арттыру.
Кездесу барысында — зорлық-зомбылық, тұлғаның жеке өміріне қол сұғушылық, азаматтардың құқығын бұзатын бір адамның екінші адамға тәндік немесе психикалық ықпал етуі екендігі және басқа да тұрғыдағы заңға қайшы әрекеттерді байқаған немесе осы жағдайларды бастан кешіп жатқан тұлғалар болса, құқық қорғау органдары тарапынан берілетін заңдық көмектерге жүгіне алатындағы жайлы айтылып, түсіндірілді.
Сонымен қатар, жастарға зорлық- зомбылық жайлы мағлұмат беріп, жастарымыздың жаман әдеттерден бойларын аулақ ұстатып, ондай әрекеттерге бармауға тәрбиелеу және адамгершілігі мол саналы азамат болып өсуіне ықпал етуіміз қажет екендігі айтылды.
Аталған іс-шара жасөспірімдердің құқықтық санасын көтеруге және жағымсыз әлеуметтік құбылыстардың алдын алуға бағытталған.
