2026 жылдың 1 қаңтарынан бастап Қазақстан Республикасының Салық кодексіне бірқатар өзгерістер мен толықтырулар енгізілуде. Бұл өзгерістер халық пен кәсіпкерлерге салық төлеу тәртібін жеңілдетуге, әкімшілік рәсімдерді оңтайландыруға және салықтық тәртіпті арттыруға бағытталған.
Атап айтқанда, жеке тұлғалардың мүлік, көлік, жер салықтары бойынша есептеу және төлеу механизмдері автоматтандырылып, цифрлық жүйелер арқылы жүзеге асырылатын болады. Сондай-ақ, шағын және орта бизнес субъектілеріне арналған арнайы салық режимдеріне өзгерістер енгізіліп, олардың есеп жүргізуін жеңілдету көзделген.
Салық төлеушілерге түсіндіру жұмыстарын жүргізу мақсатында Сауран ауданы бойынша Мемлекеттік кірістер басқармасы Сауран ауданына қарасты елдімекендерде семинарлар ұйымдастыруда. Бұл іс-шаралар азаматтардың құқықтық және цифрлық сауаттылығын арттыруға және жаңа талаптарға сәйкес салық міндеттемелерін дұрыс орындауға мүмкіндік береді.
«Салық төлеушілермен жұмыс»
бөлімінің басшысы
Сенбекұлы Берік
