Түркістан қаласының әкімі Әзімбек Пазылбекұлы «Turan» арнайы экономикалық аймағында салынып жатқан «Kazakhstan Lihua» ЖШС тоқыма фабрикасының құрылысымен танысты.
Фабрика күзде толық іске қосылады. Қазіргі таңда 750 бос жұмыс орнына мамандар қабылдануда. Атап айтқанда:
— 15 электротехник,
— 5 арнайы техника жүргізушісі,
— 15 зертханашы,
— 120 жөндеу және қызмет көрсету маманы,
— 585 оператор,
— 10 күзетші қажет.
Жаңадан жұмысқа қабылданғандарға оқу кезеңінде 130 000 теңге, ал кейін тұрақты қызметкерлерге 300 000 теңге көлемінде жалақы төленеді. Жұмыс ауысыммен жүргізіледі.
Бұл жоба қала тұрғындарын тұрақты жұмыспен қамтып, өңірдің әлеуметтік-экономикалық дамуына ықпал етпек.
Құжат тапсыру үшін Түркістан қаласындағы Мансап орталығына баруға болады.
Мекенжайы: Құлыншақ ақын көшесі, 90А.
Байланыс: 8 771 629 8987 – Жаңгелді Алладинұлы, орталық директоры.
