Сыбайлас жемқорлық – мемлекеттің тиімді дамуына кедергі келтіретін, азаматтардың билікке деген сенімін төмендететін ең өзекті мәселелердің бірі. Бұл құбылыспен күресу – тек уәкілетті органдардың емес, барша қоғамның ортақ міндеті. Сондықтан, Сауран ауданы бойынша Мемлекеттік кірістер басқармасы өз қызметінде адалдық, ашықтық және заңдылық қағидаттарын басты орынға қояды.
Бүгінгі таңда елімізде сыбайлас жемқорлықтың алдын алу бағытында бірқатар жүйелі шаралар жүзеге асырылуда. Мемлекеттік қызмет көрсету процестерін цифрландыру, бақылау тетіктерінің ашықтығын арттыру, шаруашылық субъектілерімен және азаматтармен кері байланысты нығайту – сыбайлас жемқорлық тәуекелдерін төмендетудің ең тиімді жолдары.
Біздің басқармада да парасаттылық идеологиясын қалыптастыруға ерекше көңіл бөлінеді. Қызметкерлерге заң талаптарын сақтау, қызметтік әдеп нормаларын орындау, салық төлеушілермен қарым-қатынаста әділдік пен бейтараптықты ұстану қатаң талап етіледі. Сонымен қатар, тұрақты түрде сыбайлас жемқорлықтың алдын алу бойынша түсіндіру жұмыстары, семинарлар, ішкі бақылау шаралары жүргізіліп келеді.
Қорытындылай келе, сыбайлас жемқорлыққа қарсы күрес – тұрақты назарды, бірізді жұмысты және мемлекеттік қызметшілердің адалдыққа деген ортақ ұстанымын талап ететін маңызды міндет. Сауран ауданы бойынша Мемлекеттік кірістер басқармасы қоғам сенімін арттыру, ашық әрі әділ мемлекеттік қызметті қалыптастыру бағытындағы жұмыстарды алдағы уақытта да жүйелі түрде жалғастыра береді. Парасаттылық пен заңдылықты сақтау – біздің басты басымдығымыз әрі ортақ жауапкершілігіміз.
Сауран ауданы бойынша
Мемлекеттік кірістер
басқармасының басшысы
Кишибаев Байдулла Джунисбекович.
