Ерекше қажеттілігі бар тұрғындарға әлеуметтік сүйемелдеу жұмысында қалалық «Ten Qogam» орталығының қызметі зор.
Жалпы Түркістан қаласында ерекше қажеттілігі бар 11 018 тұрғын бар. Оның 5433-і қалалық Жұмыспен қамту және әлеуметтік бағдарламалар бөліміндегі мемлекеттік көмек түрлеріне жүгінеді.
«Ten Qogam» орталықта күніне 200-ден аса тұрғынға қызмет жасалады.
Оларға орталық тарапынан әлеуметтік-психологиялық, медициналық, құқықтық сынды көмектер қолжетімді.
Аталған көмек түрлерін жыл басынан бергі көрсеткіш бойынша 929 азамат алған.
Сондай-ақ, мекеме тарапынан ерекше қажеттілігі бар 21 азамат жұмысқа орналасып, 56 тұрғын кәсіпкерлік курстарынан өткен.
Одан бөлек, орталық пен Халықаралық меймандостық университеті аралығында меморандум түзіліп, келісім арқылы азаматтар IT саласы бойынша сабақтар оқуда.
