Түркістан қаласы бойынша 34 937 абонент сапалы электрмен қамтылған. Жарықты орташа тұтыну көрсеткіші сағатына — 36 МВТ.
Бұл пайыздық көрсеткішпен есептегенде — 94, 7 пайызды құрайды.
Биыл шаһардағы 3 нысанда әуе электр желілерін кабельдік желіге ауыстыру құрылыстары жүргізілуде.
Қазіргі таңда, «Тәуке хан даңғылы, Қазыбек би, М.Абенова, Төле би, Н.Төреқұлов, Н.Тынышқұлов көшелері бойында 10-0,4 кВ кабель желілерін салу құрылысы» жобасының Н. Тынышқұлов, Қазыбек би көшелеріндегі жұмыстары аяқталды.
Сондай-ақ, «1-2 мөлтек аудандары, Б.Саттарханов, Кенесары, көшелері бойында 10-0,4 кВ кабель желілерін салу құрылысы» жобасы аясында Кенесары көшесіндегі абоненттер жаңа электр желісіне қосылуда.
Үшінші «Әл-Фараби, Ататүрік, С.Ерубаев көшелері бойындағы 10-0,4 кВ кабель желілерін салу құрылысы» нысанында С. Ерубаев, Ата Түрік көшелеріндегі абоненттерді жаңа электр желісіне қосу жалғасуда.
Одан бөлек, қала аумағындағы жаңадан қоныстанған тұрғын үйлер мен жобадан тыс қалған жеті нысанды сапалы электр қуатымен қамтамасыз ету құрылысының жұмыс жобасы дайындалуда.
Аталған жоба аясында 2500-нан астам абонент сапалы электр қуатымен қамтамасыз етіледі.
