Лездемелік мәжілісте қала әкімі Нұрбол Тұрашбеков облыс әкімінің тапсырмалары бойынша атқарылған жұмыстарды саралады.
Бақылаудағы 24 тапсырманың 12-сі инфрақұрылым және коммуникациялар бөліміне, 5-уі жолаушылар көлігі және автокөлік жолдары бөліміне тиесілі, жер қатынастары, экономика және қаржы бөлімдеріне — 2 тапсырмадан, бизнесті қолдау және туризм бөліміне 3 тапсырма бекітілген.
Баяндамашылар мерзімі бар және тұрақты тапсырмалардың атқарылуын, жобалар мен жоспарлар жайын талдап, есеп берді.
Шаһар басшысы орынбасарларына белгіленген мерзімді күтпей тиісті шараларды қабылдап, заң аясында жұмыстарды атқарып, тапсырмаларды бақылаудан алуды жүктеді.
— Арқаны кеңге салмай, уақытты тиімді пайдаланған жөн. Ертең — еріншектің ісі. Бар қабілет те, күш те, мүмкіндік те ”бүгін”- ге жұмсалса, “кеше”-ден тірлік ілеспес еді, — деп, жауаптыларға ескерту жасады.
