Бүгін Түркістан қаласы тағы жаңа қоғамдық көліктермен толықты.
Бұл жолғы сыйымдылығы жоғары автобустар №4А бағыттарында қатынайтын болады.
Яғни, қолданыстағы №4А бағыттарында ескі автобустар жаңа қоғамдық көліктерге ауыстырылды.
«Жолаушы» ЖШС мәлімдеуінше, жаңа автобустардың ішінде жолаушылар жайлылығы үшін барлық жағдай қарастырылған.
Көліктің сыйымдылығы 25/56 жолаушыға лайықталған.
Ұзындығы — 8,5 метр, желдеткіш пен қоларбаға арналған пандус, электронды билет беру және үш бейнебақылау құрылғысымен жабдықталған.
