Қаламыздағы “Әлеуметтік қызмет көрсету орталығы” –көмек көрсету мақсатын арқалаған үлкен ұжым.
Әртүрлі тағдырлар тоғысқан орталықта қариялар мен мүмкіндігі шектеулі жандарды қамқорлығына бөлеп, олардың өмірін жақсартуға жағдай жасалып келеді.
Орталықтың жоспарына сәйкес «Белсенді ұзақ өмір сүру» бөлімі жыл соңына дейін 2000-зейнеткерлерге ал, «Тең қоғам» бөлімі 720-ға жуық ерекше қажеттілігі бар азаматтарға қызмет көрсету жоспарланған болатын.
Бүгінде оның ішінде 320- азаматқа орталықтағы 7 бағыты бойынша 877 қызмет түрі көрсетілді.
Атап айтсақ, еңбек терапиясы, компьютерлік сауаттылықты арттыру бойынша арнайы курстар, әнмен емдеу, психотренингтер, әлеуметтік мәселелер бойынша заңды кеңес және сүйемелдеу және демалыс шараларын ұйымдастыру бойынша тарихи-мәдени орындарға экскурсиялар мен театр, концерт қойылымдарын тамашалау және мерекелік мәдени іс-шаралары.
