Сауран ауданы білім бөліміне қарасты А.Югнаки атындағы жалпы білім беретін мектепте 2024-2025 жылға арналған «Біртұтас тәрбие» бағдарламасы аясында Жеңістің 80 жылдығына орай 8- мамыр күні «Адамдық борыш үшін» мерекелік-концерттік кеш ұйымдастырылды.
Кеш мақсаты адамның қоғам, Отан, отбасы және адамзат алдындағы моральдық және рухани жауапкершілігін білдіру, яғни, әр адамның адам ретінде адал, әділ, еңбекқор, мейірімді болуға ішкі міндеті бар екендігін түсіндіру.
Сондай-ақ, адал еңбек ету, жақсылық жасау, қамқор болу, Отанды сүю, қорғау, әділдік пен ар-намысты сақтау, ұрпаққа өнеге қалдыру жайлы ұғындыру және де майдангер аталарымыз мен тыл еңбеккерлерінің бейбіт өмір үшін сіңірген еңбектерін насихаттау, кейінгі ұрпақты ардагерлерімізді қадірлеуге тәрбиелеу, Отанға деген сүйіспеншілігін арттыру.
Шара барысында кешке қатысушылар майданда қаза тапқан ардагерлерді 1 минуттық үнсіздікпен еске алды. Кеш барысында патриоттық әндер шырқалып, әскери билер биленді. Сонымен қатар, сахналық қойылым қойылды.
Бұл күн – тек өткенді еске алу ғана емес, сондай-ақ өскелең ұрпақтың бойына отансүйгіштік пен бірлік құндылықтарын сіңірудің жарқын үлгісі болды.
Ерлік — елге мұра, ұрпаққа үлгі!
Мәңгілік жадымызда, Ұлы Жеңіс!
