Бұқаралық спорт – ел халқының денсаулығын нығайтып, өмір сапасын арттырудың маңызды тетігі. Президент Қасым-Жомарт Тоқаев өз Жолдауларында халықты жаппай спортқа тартудың маңызын бірнеше рет атап өтіп, өңірлік әкімдіктер мен жауапты мекемелерге нақты тапсырмалар берген.
Бүгінде елімізде аула клубтары, спорттық нысандар саны артып келеді. Бұл – бұқаралық спортты дамытуға жасалып жатқан қолдаудың айқын көрінісі. Әсіресе балалар мен жасөспірімдердің спортқа қолжетімділігін арттыру – басты басымдықтың бірі.
Бұқаралық спорт – тек денсаулық кепілі емес, ол – тәртіпке баулитын, бірлікке ұйытатын, ұлт намысын оятатын күш. Сол себепті әр азаматтың өмірінде спорт пен белсенді өмір салты маңызды орын алуы тиіс.
Мақсат – салауатты ұрпақ, сергек қоғам қалыптастыру.
Түркістан облыстық дене шынықтыру және спорт басқармасының ұйымдастыруымен Шардара қаласында асық ату және бес асықтан 2015-2017 жылы туған кіші жасөспірімдер арасында өткен Түркістан облысы чемпионатында Сауран спорт клубының намысын қорғаған Хабибула Ұлданай ерекше көзге түсіп, «ЖЕҢІСКЕ ДЕГЕН ЖІГЕРІ ҮШІН» номинациясымен марапатталды.
Бұл жетістік – жас спортшының табандылығы мен талпынысының жемісі. Жас ұрпақты ұлттық спортқа баулып, тәрбиелеуде аянбай еңбек етіп жүрген жаттықтырушысы Есенбекова Сымбат апайына алғысымыз шексіз.
Жас спортшыларымызға толағай табыс, биік белестер тілейміз.
