1 маусым — Балаларды қорғау күніне орай, Жұмыспен қамту және әлеуметтік бағдарламалар бөлімінің «Белсенді ұзақ өмір және Тең қоғам» әлеуметтік орталығы мен Созақ аудандық «Бақ-Нұры» іскер әйелдер қоғамдық бірлестігінің ұйымдастыруымен мерекелік іс-шара өтті.
Шараның мақсаты ерекше қажеттілігі бар балаларды қоғамға араластырып, белсенділіктері мен қабілеттерін арттыру болып табылады. Мекеме басшысы Марат Әбілқайырұлы және Созақ аудандық Бақ-Нұры» іскер әйелдер қоғамдық бірлестігінің төрайымы Нұржамал Әбілжанқызы, Созақ аудандық мәслихат депутаты, кәсіпкер Рабиға Шәмәқызы, бірлестік мүшесі Маржан Мұратқызы өздерінің жылы лебіздерін білдіріп, мерекемен балаларды құттықтады.
Мерекелік іс-шараға «Бақ-Нұры» іскер әйелдер қоғамдық бірлестігі демеушілік жасап 25 балаға арнайы сыйлықтар мен тәттілер таратты.
Ерекше қажеттілігі бар балалар ән айтып, би билеп, демеуші апайларына алғыс білдіріп, көтеріңкі көңіл күймен тарқады.
