Президент Қасым-Жомарт Тоқаев 2025 жылы орман өрттерінің алдын алу және табиғатты қорғау мәселелеріне ерекше назар аударды. 2024 жылғы 2 қыркүйекте Қазақстан халқына Жолдауында ол экологиялық ахуалды жақсарту негізгі міндеттердің бірі екенін атап өтті. Мемлекет басшысы орман-тоғайларды өрттен қорғау үшін барлық қажетті шараларды қабылдау қажеттігін айтты. Сондай-ақ, орман алқаптарын көбейту және көгалдандыру жұмыстарын жалғастырудың маңыздылығын атап өтті .
Осы бастамалар негізінде Кентау қаласында төтенше жағдайлардың алдын алу және жою бағытында өткізілетін «Өрт–2025» республикалық командалық-штабтық оқу-жаттығуы ұйымдастырылды. Іс-шараға қала әкімінің орынбасары Ғалымжан Төлепов қатысты.
Оқу-жаттығу барысында қалалық азаматтық қорғаныс қызметтерінің, өрт сөндіру бөлімшелерінің, шұғыл әрекет ету жасақтарының және басқа да мүдделі құрылымдардың өзара іс-қимыл жасау қабілеті тексерілді.
Қала әкімінің орынбасары Ғалымжан Әнуарұлы оқу-жаттығу жұмыстарының маңыздылығына тоқталып, төтенше жағдай туындаған сәтте жедел әрі үйлесімді әрекет етудің аса маңызды екенін атап өтті. Сондай-ақ, ол жауапты мекемелерге алдын алу шараларын күшейту, материалдық-техникалық базаны жетілдіру және халық арасында түсіндіру жұмыстарын жүйелі түрде жүргізу жөнінде нақты тапсырмалар берді.
