Президент Қасым-Жомарт Тоқаев спорт саласына қатысты бірнеше маңызды ой айтты. Міне, солардың негізгі бағыттары:
- Қазақстан – спорт державасы болуы тиіс
«Қазақстан – спорттық державаға айналуы керек. Бұл үшін кәсіби спортпен қатар бұқаралық спортты дамыту аса маңызды.»
- Жастар мен бұқаралық спортқа басымдық
«Спорттық инфрақұрылымды жетілдіру, балалар мен жастарды спортпен қамту – мемлекеттің негізгі міндеттерінің бірі. Бұл ұлт денсаулығы мен болашақ чемпиондарды тәрбиелеудің негізі.»
- Спортшыларға қолдау
«Еліміздің атын әлемге танытып жүрген спортшыларға жан-жақты қолдау көрсетіледі. Жаңа спорт нысандары салынып, халықаралық жарыстарға дайындық үшін барлық жағдай жасалуда.»
- Әділдік пен ашықтық
«Спорт саласындағы шешімдер ашық әрі әділ болуы керек. Спортшыларды іріктеу процесі таза жүргізілуі тиіс.»
- Легионерлерге қатысты
«Легионерлердің жетістігі уақытша нәтиже. Ең бастысы – отандық спортты дамыту, жергілікті спортшыларға жағдай жасау.»
Бұл ойлар Президенттің түрлі жолдауларында, ресми кездесулерінде және Азия ойындары мен Олимпиада алдында сөйлеген сөздерінде айтылған. Мемлекет басшысының бастамалары мен тапсырмалары бюджетті тиімді пайдалану, спорт федерацияларына ревизия жүргізу және қаржыны мақсатқа сай жұмсауды қатаң талап етеді. Сондай-ақ, спортқа қатысты Президенттің айтқан пікірлері, берген тапсырмаларының орындалуы Қазақстанның спорт саласын одан әрі нығайтып, өзекті халықаралық аренада беделін көтеруге негіз болады.
Осы орайда, жуырда Өзбекстанның Ташкент қаласында өткен CAVA -Орталық Азия волейбол қауымдастығы чемпионатында Қазақстанның 16 жасқа дейінгі жасөспірімдер құрамасы тамаша өнер көрсетіп, күміс жүлдеге ие болды.
Волейболшылар бұл жарыста нағыз шеберлік пен командалық рухты паш етіп, ел намысын абыроймен қорғады.
Чемпионат барысында Кентау қаласының тумасы, Қазақстан құрамасының ойыншысы Бейбарыс Еркөкшеев ерекше көзге түсіп, жарыстың “Үздік ойыншысы” атанды!
Бейбарыс Еркөкшеев — 2010 жылғы 27 мамырда дүниеге келген. Қазіргі таңда Ы.Алтынсарин атындағы №1 мектеп-гимназиясының 8-сынып оқушысы. Сонымен қатар, Кентау қалалық №2 балалар мен жасөспірімдер спорт мектебінің тәрбиеленушісі.
Бейбарысқа әр жеңісің жаңа биікке жол ашсын, спорттық шыңдарың мол болсын, алдағы уақытта тек сәттілік серік болсын деп тілейміз.
