Түркістан қаласының тұрғыны, ұстаз әрі қоғам белсендісі Әсел Бимырзаева 2022 жылы ерекше қажеттілігі бар балалардың армандарын орындауға бағытталған «Армандар орындалады» жобасын бастады. Бұл жоба балалардың қарапайым армандарын жүзеге асыру арқылы олардың өмірге деген қызығушылығын арттыруды мақсат етеді.
Жобаның негізгі мақсаты: мүмкіндігі шектеулі балалардың армандарын орындау арқылы оларға қуаныш сыйлау, қоғамда мейірімділік пен жанашырлықты насихаттау, ерекше балалардың қоғамда елеусіз қалмайтынын көрсету болып табылады.
Жоба аясында балалар өз армандарын хат арқылы жеткізеді. Жобаның жүзеге асуы қайырымды жандар мен демеушілердің көмегімен жүзеге асады. Бұл игі іс-шаралар Түркістан қаласында ғана емес, облыс көлемінде де ұйымдастырылып, өз жалғасын табуда. Жобаға Түркістан облысының әкімдігі, жергілікті кәсіпкерлер, қоғам белсенділері мен үкіметтік емес ұйымдар қолдау көрсетіп келеді. Бұл қолдау жобаның кең ауқымда жүзеге асуына мүмкіндік беріп отыр.
Жобаның нәтижелері жайлы айтатын болсақ, 2022 жылдан бері 600-ден астам баланың арманы орындалды. Әсел Бимырзаева осы күнге дейін “Шапағат” төсбелгісінің иегері, «Үздік белсенді» және «Мейірім жолында» т.б. номинациялары бойынша марапатталған.
«Армандар орындалады» жобасы — балалардың армандарын жүзеге асыру арқылы қоғамда мейірімділік пен жанашырлықты арттыруға бағытталған маңызды бастама. Әсел Бимырзаеваның бұл жобасы көптеген балалардың өміріне қуаныш сыйлап, олардың болашаққа деген сенімін нығайтуда.
