Созақ ауданы әкімдігінің Жұмыспен қамту және әлеуметтік бағдарламалар бөлімінің «Отбасын қолдау орталығы» коммуналдық мемлекеттік мекемесінің мамандары Шолаққорған ауылында «Қамқорлық» бағдарламасы аясында тіркелген, өмірлік қиын жағдайға тап болған отбасыларға барып, зерделеу жұмыстарын жүргізді.
Зерделеу жұмыстарының негізгі мақсаты – отбасылардың нақты әлеуметтік жағдайын анықтап, олардың мұқтаждықтарына сәйкес кешенді сүйемелдеу қызметтерін, яғни әлеуметтік, психологиялық және құқықтық көмек түрлерін көрсету.
Іс-шара барысында отбасы мүшелерінен атаулы әлеуметтік көмек (АӘК), тұрғын үймен қамтамасыз ету, денсаулық сақтау саласына қатысты және басқа да мәселелер бойынша өтініштер қабылданды. Түсірілген өтініштер орталық мамандары тарапынан тіркеліп, уәкілетті мекемелер мен тиісті сала басшыларына жолданатыны хабарланды.
Бұл бағыттағы жұмыстар алдағы уақытта да тұрақты түрде жүргізілетін болады.
