2025 жылы шілде айында Сауран ауданының ішкі саясат бөліміне қарасты «Жастар ресурстық орталығы» коммуналдық мемлекеттік мекемесінің ұйымдастыруымен «Адал азамат» тақырыбында мотивациялық кездесу өткізілді.
Шараның негізгі мақсаты – аудан жастары арасында кәсіпкерлікке қызығушылықты арттыру, жұмыссыздықтың алдын алу және жеке ісін бастаған жастардың жетістігін кеңінен насихаттау.
Кездесуге кәсібінде табысқа жеткен жас кәсіпкер – Мавленов Элзод арнайы шақырылып, өзінің өмірлік жолы, кәсіби жетістіктері, сондай-ақ мемлекет тарапынан көрсетілетін қолдаулар туралы баяндап берді. Кәсіпкер жастарға табысты болудың тетіктерін түсіндіріп, қойылған сұрақтарға нақты жауап беріп, жастарды еңбекқорлық пен бастамашылдыққа үндеді.
Іс-шара аясында жастарға бағыт-бағдар беріліп, болашақта кәсіпкерлікпен айналысуға ниетті азаматтарға кеңестер ұсынылды. Кездесу ашық пікір алмасу форматында өтті.
