Түркістан облысының білім басқармасының және де “Созақ ауданының педагогикалық — психологиялық түзету кабинеті” коммуналдық мемлекеттік мекемесінің ұйымдастыруымен “Бар мейіріміміз балаларға” тақырыбында іс-шара өтті.
Іс-шараның мақсаты — ерекше балалардың құқығын қорғау, буллинг пен кибербуллингтің алдын алуға бағытталған.
Аталған іс-шараға аудандық білім бөлімі, аудандық емхана мен “Отбасын қолдау орталығы” мекемелерінің мамандары арнайы шақырылып, тақырып аясында қажетті ақпараттармен бөлісті.
Отбасын қолдау орталығының бөлімше басшысы Б.Саржанов “Отбасылық тұрмыстық зорлық-зомбылық” заңының баптарына тоқталып, қылмыстық жауапкершіліктің барын атап өтті. Сондай-ақ, Отбасын қолдау орталығы тарапынан психологиялық, заңгерлік және әлеуметтік сүйемелдеу жұмыстары жоспарға сәйкес тұрақты түрде жасалатынын жеткізді.
Психолог мамандар іс-шараға қатысушылармен сергіту тренингтерін өткізіп, көңіл-күй сыйлады.
