Алдын-ала бекітілген кестеге сәйкес, бүгін Түркістан қаласының әкімі Нұрбол Тұрашбеков тұрғындарды қабылдап, өтініштері мен шағымдарын тыңдады.
Жеке қабылдауға келген 7 азаматтың төртеуі тұрғын үй кезегіне қатысты мәселе көтерді. Шахар басшысы кезекпен баспана алу заңдылығына тоқталып, кезектегі өзге азаматтардың құқығына құрметпен қарауға шақырды.
Әлеуметтік қолдау білдіруді өтінген 2 азамат бойынша тиісті бөлім басшыларына демеушілер ұйымдастыруды тапсырды. Сондай-ақ, жауапты мамандарға атаулы әлеуметтік көмекке құжат тапсырған, алайда төлемі бас тартылған азаматшаның құжаттарын зерделеп, заң аясында түсіндіруді жүктеді.
