ЧЕМПИОНАТ ЖЕҢІМПАЗДАРЫНА ҚҰРМЕТ КӨРСЕТІЛДІ
Түркістандық «Нақып алтый» командасы Астанада өткен 40 жастан жоғары әуесқой футбол командалары арасындағы республика чемпионатында үшінші орын алды.
Бүгін жеңімпаздарға құрмет көрсетіліп, қала әкімінің арнайы алғыс хаттары табысталды.
Басқосуға Түркістан қаласы әкімінің орынбасары Талғат Байжанұлы, қалалық мәслихат төрағасы Ғаппар Амантайұлы мен депуттар Бақдәулет Тұрман, Құлбатыр Базарбайұлы қатысты.
-Сіздер жастарымызға спортта үлгі болар бірегей жандарсыздар. Жастарды спортқа баулуда Сіздердің спорттағы сара жолдарыңыз, жетістіктеріңіз жігер береді- деді, Талғат Тулегенов өз құттықтауында.
Келесі сөз алған, қалалық мәслихат төрағасы Ғаппар Сәрсенбаев командаға жүрекжарды тілегін айтып, жеңістерімен құттықтады.
Жалпы, бұл әуесқой футбол сүйерлер жиналған команданың алғашқы республикалық деңгейдегі жеңісі.
27-30 шілде аралығында өткен жарыста команда еліміздің түкпір-түкпірінен келген 24 командамен бақ сынасты.
