Түркістан қаласы әкімдігінің ”Жұмыспен қамту және әлеуметтік бағдарламалар” бөлімінің ұйымдастыруымен “Абилитация” атты іс-шара өтті!
Этномодерн бағытында қолөнермен айналысатын және ұлттық оюмен безендіруге,бұйымдармен тоқыма және жүн өнімдерінен түрлі заттар жасайтын мүмкіндігі шектеулі азаматтар қатысып,өз өнерлерін көрсетті.
“Абилитация”-ерекше жанның ерлігіне тағзым!
Абилитация – бұл адамда бұрын-соңды болмаған (немесе даму барысында қалыптаспай қалған) қабілеттерді, дағдыларды қалыптастыруға бағытталған кешенді медициналық, психологиялық, педагогикалық және әлеуметтік шаралар жиынтығы.
Абилитация кімге қажет?
Ол көбіне:
— туа біткен кемістігі бар балаларға;
— дамуында ауытқушылығы бар адамдарға;
— жаңа әлеуметтік ортаға бейімделуге мұқтаж жандарға жүргізіледі.
Абилитация мен Реабилитацияның айырмашылығы: Абилитация — бұрын болмаған қабілетті алғаш рет қалыптастыру (мысалы, сөйлеу, жүру, өзін-өзі күту дағдылары).
Реабилитация — Бұрын болған, бірақ жоғалып кеткен қабілеттерді қалпына келтіру (мысалы, жарақаттан кейінгі қалпына келтіру).
Мысалы:
— ДЦП диагнозы бар балаға жүруді, сөйлеуді үйрету – абилитация.
— Жол апатынан кейін жүре алмай қалған адамға қайта жүріп үйренуге көмектесу – реабилитация.
Яғни, абилитация – бұл тұлғаның әлеуетін алғаш рет ашуға көмектесу процесі.
