Мемлекет басшысы Қасым-Жомарт Тоқаев мемлекеттік қызмет сапасын арттыруға ерекше назар аударып, азаматтарға сапалы және тиімді қызмет көрсету қажеттігін бірнеше рет атап өтті. Президенттің сапалы қызмет көрсету туралы «Мемлекеттік қызметтер азаматтарға қолайлы әрі сапалы болуы тиіс. Бұл – халықтың мемлекетке деген сенімінің негізі». «Бізге сервистік мемлекет құру қажет. Мемлекеттік аппарат халыққа қызмет етуі керек, бұл – басты қағида» деп айтып өткен болатын.
Президенттің бұл сөздері мемлекеттік қызмет көрсету сапасын жақсартуға бағытталған реформалардың негізін құрайды.
Қазақстан Республикасы Мемлекеттік қызмет істері агенттігі мемлекеттік қызмет көрсететін мемлекеттік органдар мен ұйымдарды мемлекеттік қызметші күніне арналған «Үздік сапалы қызмет көрсетуші» конкурсына қатысуға шақырады.
Аталған конкурсты өткізудің мақсаты қызмет көрсетушілердің мәртебесін арттыру, ынталандыру және жұмыстағы клиентке бағдарлануының негіздерін нығайту болып табылады.
Конкурсқа қатысу үшін үміткерлер келесі құжаттарды ұсынуы қажет:
1) белгіленген нысан бойынша конкурсқа қатысу туралы өтініш;
2) әдістемелік ұсынымдарға сәйкес қызмет туралы презентация немесе бейнеролик.
Құжаттарды қабылдау 05.05 — 15.05.2025 ж. бастап жүзеге асырылады. Толығырақ: 8 (725 33) 5-94-74, 8 705 306 45 98
