Сауран ауданы, Шаға ауылдық округіндегі Молда Муса жалпы орта мектебінде маңызды мәжіліс өтті. Жиынға ауданымыздағы барлық мектеп директорлары қатысты. Кездесу барысында оқушылардың 2025 жылғы жазғы каникул кезеңіндегі демалысын ұйымдастыру, қауіпсіздігін қамтамасыз ету және пайдалы уақыт өткізу шаралары жан-жақты талқыланды.
Мәжіліске арнайы қатысқан Сауран ауданының прокуроры А.Асылбеков, аудан әкімінің орынбасары Бақытжан Букебаев, Сауран аудандық білім бөлімінің басшысы Ғ.Әнетбеков мектеп басшыларына жазғы демалыс уақытында балалардың бос уақытын тиімді өткізудің маңыздылығын атап өтіп, бірқатар нақты ұсыныстар мен міндеттер жүктеді.
Кездесу барысында жазғы лагерьлер жұмысы, балалардың еңбекке баулу шаралары, қауіпсіздік талаптары және ата-аналармен тығыз байланыс орнату мәселелері қозғалды. Барлық қатысушылар ортақ жауапкершілік пен үйлесімді жұмыстың қажеттілігіне назар аударды.
Жиын қорытындысында мектептерге жазғы демалысқа қатысты іс-шаралар жоспарын пысықтау, оқушылардың белсенді демалысын ұйымдастыруда креативті, қауіпсіз және тәрбиелік мәні зор бағыттарға басымдық беру ұсынылды.
