ҚР Еңбек және халықтық әлеуметтік қорғау министрінің кеңесшісі Фарида Сағындық пен БҰҰ Балалар қорының үйлестірушісі Азамат Жаманчинов Түркістан облысына келіп,бір қатар әлеуметтік нысандардың жұмысымен танысты. Сапар аясында Түркістан қалалық «Отбасын қолдау орталығының» қызметтіне назар аударылып,отбасылық құндылықтарды қолдауға бағытталған жобалар талқыланды. Жергілікті бөлім басшысы Элмира Бейсенова орталықтың тыныс-тіршілігін таныстырып, нақты нәтижелермен бөлісті. Сондай-ақ, Фарида Сағындықтың қатысуымен Түркістан қаласында өмірлік қиын жағдайдағы адамдарды (отбасыларды) ерте анықтау және оларға жан-жақты көмек көрсету бойынша мобильдік топ мүшелерінің өзара іс-қимыл алгоритмі, FSM Social мобильдік қосымшасымен жұмыс жасауға арналған оқыту семинары өтті. Жалпы жүйелі жұмыс –жарқын болашақтың кепілі болып табылады.
Сапар барысында мәртебелі меймандар Түркістан қаласының Жұмыспен қамту және әлеуметтік бағдарламалар бөліміне қарасты «Отбасын қолдау орталығы» КММ қызметімен танысып, орталықтың отбасылық құндылықтарды дәріптеу жолындағы жүйелі жұмыстарына қанықты.
Шараға облыстық Жұмыспен қамту және әлеуметтік бағдарламалар басқармасы басшысының орынбасары Күміс Кемелқызы қатысып, қолдау білдірді. Орталықтың тыныс-тіршілігін, қызмет бағытын, халыққа көрсетіліп жатқан әлеуметтік көмектер мен жетістіктерін қалалық бөлім басшысы Элмира Бейсенова кеңінен таныстырып, нақты нәтижелермен бөлісті.
Бұл сапар – қоғамның іргетасы саналатын отбасы институтын қолдауға бағытталған маңызды қадам. Кездесу аясында тәжірибе алмасу мен алдағы ауқымды жоспарлар талқыланып, серіктестікті нығайту жолдары қарастырылды.
Отбасына тірек – елге береке!
