Қарашық ауылдық округі 2 елді мекеннен құралған, атап айтсақ Қарашық, Құмтүйін елді мекендері.
Жалпы халық саны 11322 адам, оның ішінде Қарашық елді мекенінде 9330 адам, Құмтүйін елді мекенінде 1931 адам. Ұлттық құрамы бойынша қазақтар 2051, өзбектер 9267, орыс 3, татар 1 адам.
Бюджет
2025 жылы 5 айлық бойынша барлық түсімдер 75 млн 436 мың 971 теңгеге орындалды.
Салықтық түсімдер
| № | Салық түрі | Жоспар (мың теңге) | Орындалуы (мың теңге) | Орындалуы
(пайыз) |
| 1 | Табыс салығы | 11 000 000 | 11 654 409 | 106 |
| 2 | Жылжымайтын мүлік | 75 000 | 78 335 | 104,4 |
| 3 | Жер салығы | 50 000 | 50 946 | 101,9 |
| 4 | Көлік салығы | 26 000 000 | 26 302 483 | 101,2 |
| 5 | Жер пайдалану жалға | 10 000 | 17 701 | 177,0 |
| 6 | Жер сату | 25 000 000 | 35 115 115 | 143,1 |
| 7 | Біріңғай жер салығы | 2 200 000 | 2 217 982 | 100,8 |
Атаулы әлеуметтік көмек.
Қарашық ауылдық округінде атаулы әлеуметтік көмекке өтініш берген отбасылар саны – 26.
Оның ішінде 23 отбасының мұқтаждығы анықталып — атаулы әлеуметтік көмек тағайындалды. Ал қалған 3 отбасыға комиссия мүшелерінің анықтау барысында кедейлік шегінен асып кетуіне байланысты тағайындалмады.
Қарашық ауылдық округі Құмтүйін елді мекенінде былтыр 2024 жылы ауыл жастарының ұйымдастырылуымен қайрымдылық ретінде бір отбасыға үй салып берілсе, 2025 жылы мамыр айында осы игі істің жалғасы қайта жалғасын тауып, аз қамтамасыз етілген бір отбасыға үй берілді.
АУЫЛ ШАРУАШЫЛЫҚ САЛАСЫ БОЙЫНША.
2025 жылы 3200 га жерге ауыл шаруашылық дақылдары егілуде. Ауыл шаруашылығы негізгі капиталына 400 млн теңге жоспар берілген.
Ахметов Бауыржан мал қора және малшы үйі — 230 154 000 тг құжаттары рәсімделіп, статистика басқармасына өткізілді.
Ауыл округі бойынша – 3200 га суармалы жерге (үй іргелікпен қосқанда) ауыл шаруашылық дақылдары егілуде. Оның ішінде бидай – 80 га, дәндік жүгері — 100 га, сүрлемдік жүгері – 100 га, мақта — 1560 га, жоңышқа — 823 га,(ескі жоңышқа- 675га, жаңа жоңышқа- 148га,) бақша — 330 га, көкөніс — 210 га құрайды. Егістік жердің 100% игерілуде. Биыл көктемгі дала жұмыстарын жүргізу үшін шаруаларға арзан бағада 250 теңгеден 150 тонна дизель отыны алынды.
I тоқсан есебі бойынша ет өндіру- 143,456 тн, сүт өндіру- 136,857 тн статистика басқармасына есебі тапсырылды.
Жылыжай 1 айналым 3,265 га қияр егілді. Қарашық ауылдық округі бойынша 400 тонна мал азығы дайындалды.
Мал шаруашылығы
| Ауыл округ | Шаруашылық түрі | ІҚМ басы | Қой | Ешкі | Жылқылар | Түйелер | Құстар |
| Қарашық | Үйірлік мал басы | 3827 | 3622 | 256 | 597 | 70 | 1891 |
| Қарашық | Фермер, шаруа қожалықтар мал басы | 1468 | 3819 | 133 | 238 | 172 | |
| Барлығы | 5295 | 7441 | 389 | 835 | 242 | 1891 |
Қарашық ауылдық округіндегі атқарылып жатқан жұмыстар туралы
2024 жылы Қарашық ауылдық округі Қарашық елді мекенінен 10 гектар жер телімі бөлініп, орта және шағын кәсіпкерлікті дамыту мақсатында «Қарашық» өндірістік алаңы салынуда. Өндірістік алаң 21 бөлікке бөлініп, кәсіпкерлерге бөлініп берілді. Қазіргі таңда 11 кәсіпкер құрылыс жұмыстарын жүргізуде. Инвестиция көлемі – 2,86 млрд. теңге, ашылатын жұмыс орны – 224, іске асыру мерзімі – 2024-2026 жылдар.
Жеке кәсіпкер Азимов Атабек Тұран арена спорт кешенін салуда.
«QARASHYQ – M» ЖШС 175 орындық балабақша салды, жақын күндері ашылады.
Қарашық елді мекеніндегі Шыпан жол және К.Нишанов көшелеріне демеушілер есебінен тас төселді.
Қарашық ауылдық округі әкімінің орынбасары Сержан Жасибаев.
