15 маусым — «Әкелер күніне орай», Созақ ауданы әкімдігінің жұмыспен қамту және әлеуметтік бағдарламалар бөлімінің «Отбасын қолдау орталығының» ұйымдастыруымен «Әке – отбасы тірегі» атты мерекелік іс-шара өткізілді.
Мақсаты: Отбасының ұйытқысы, негізгі тірегі әке екенін түсіндіре отырып, әкеге деген құрмет пен сүйіспеншілікке тәрбиелеу. Отбасындағы әке орнын, рөлін көрсете отырып, халықтық тәрбие негіздеріне тоқталу. Үлкендерді сыйлауға, әкені құрметтеуге, адамгершілікке, әке мен ер азамат ұғымының мәнін түсінуге тәрбиелеу.
Іс-шараға көпбалалы, жалғыз басты әкелер қатысып, өз ойлары мен ұл-қыздарының жетістігімен бөлісті.
Бағдарлама барысында танымдық сұрақ-жауап және де әртүрлі сергіту ойындары ұйымдастырылды.
Созақ аудандық «Отбасын қолдау орталығы» мекемесінің директоры Елібаев Әділ Камалұлы іс-шараға қатысушыларды мерекемен құттықтап, арнайы сыйлықтар мен алғыс хаттар табыстады.
Отбасылар тарапынан ұйымдастырушыларға ризашылықтарын білдіріп, жұмыстарына сәттілік тіледі.
