Сауран аудандық Тілдерді оқыту және дамыту орталығы мен Жастар ресурстық орталығының бірлесуімен жастар мен оқушылар арасында салауатты өмір салтын насихаттау мақсатында «Нашақорлыққа – жол жоқ!» атты танымдық іс-шара ұйымдастырылды.
Іс-шараның шымылдығын ашып, алғысөз сөйлеген Тілдерді дамыту және оқыту орталығы КММ директоры Исмайлов Арман Сансызбайұлы жастарды зиянды әдеттерден аулақ болып, білім мен денсаулықты басты орынға қоюға шақырды.
Бағдарлама барысында:
— Нашақорлықтың зияны туралы бейнеролик көрсетіліп, пікір алмасу жүргізілді;
— Элмира Әліпбектің «Нашақорлық – адам өміріне төнген қауіп» тақырыбындағы мазмұнды баяндамасы тыңдалды;
-Қатысушылар арасында белсенді пікірталас пен сұрақ-жауап өтті.
Іс-шара соңында Жастар ресурстық орталығының атынан «Салауатты өмір – біздің таңдауымыз!» атты үндеу жолданып, белсенді қатысушыларға алғыс айтылды.
Нашақорлық — ел болашағына төнген қауіп. Бұл індетпен күресу тек мемлекеттің емес, әр азаматтың, отбасының, қоғамның ортақ міндеті.
Бұл іс-шара – жастардың санасына салауатты өмір сүру қағидаттарын сіңіруге бағытталған маңызды қадамдардың бірі болды.
