Қазақстан Республикасының Президенті Қасым-Жомарт Тоқаев еліміздің инфрақұрылым жүйесін жаңарту мәселесіне ерекше назар аудара отырып, бірқатар нақты тапсырмалар берген болатын.
Атап айтқанда:
- Көлік инфрақұрылымы саласында, республикалық және жергілікті маңызы бар автомобиль жолдарының сапасын арттыру, көлік қатынасының қолжетімділігін қамтамасыз ету мақсатында 10 000 шақырымнан астам жолды жөндеу және салу жұмыстары тапсырылды. Сонымен қатар, жол құрылысы мен жөндеу процестерінің ашықтығын қамтамасыз ету үшін цифрлық мониторинг жүйесін енгізу жөнінде тапсырма берілді.
- Инженерлік-коммуналдық инфрақұрылым бойынша, тозығы жеткен жылу көздері мен желілерін жаңғырту, оның ішінде 19 ірі жоба аясында жылу электр орталықтарын қайта жаңарту жұмыстарын уақытылы және сапалы жүргізу жүктелді.
- Энергетика саласында, электр энергиясы тапшылығын болдырмау мақсатында жаңа генерациялық қуат көздерін салу және тарату желілерін жаңғырту бойынша кешенді шаралар қабылдау қажеттігі атап өтілді.
- Цифрлық инфрақұрылым бойынша, жол сапасын бақылауға арналған автоматтандырылған жүйелер енгізу, сондай-ақ цифрлық технологияларды кеңінен қолдану бағытында жұмыстарды күшейту жөнінде тапсырма берілді.
Мемлекет басшысы Қасым-Жомарт Тоқаевтың инфрақұрылым жүйесін жаңарту жөнінде берген тапсырмалары – еліміздің әлеуметтік-экономикалық дамуын жеделдетуге, халықтың өмір сүру сапасын арттыруға және аймақтар арасындағы теңгерімді қамтамасыз етуге бағытталған нақты әрі жүйелі шаралар жиынтығы болып табылады.
Президент бұл бағыттағы барлық іс-шаралардың тиімді орындалуы мен халыққа нақты нәтижесін сезіндіру – атқарушы органдардың басты міндеті екенін қадап айтты.
Осы орайда, барлық жауапты мемлекеттік органдар мен жергілікті атқарушы билік өкілдері инфрақұрылымды жаңғыртуға қатысты міндеттерді мерзімінде әрі сапалы орындауы қажет. Бұл – ел дамуының стратегиялық басымдығы және халық алдындағы жауапкершілік. Аталған тапсырмалар еліміздің инфрақұрылымын жаңғырту, инвестициялық тартымдылығын арттыру және халықтың өмір сүру сапасын жақсарту бағытындағы стратегиялық мақсаттарға сәйкес келеді.
Осы жоғарыда аталған нақты тапсырмаларды орындау мақсатында ағымдағы жылы «Оңтүстік Жарық Транзит» ЖШС инвестициялық жобасы аясында Хантағы ауылында ауқымды жаңғырту жұмыстары қолға алынған болатын. №6 және №7 КТП-ларда ескі бағаналар заманауи тіректерге алмастырылып, трансформаторлық құрылғылар жаңартылуда.
Бұл жұмыстар электр энергиясының сапасын арттыруға, апаттық жағдайлардың алдын алуға және тұтынушыларды үздіксіз әрі сенімді энергиямен қамтамасыз етуге бағытталған.
Энергетикалық инфрақұрылымды кезең-кезеңімен жаңарту – ауыл тұрғындарының өмір сапасын жақсартуға жасалып жатқан нақты қадам. Жобалық жұмыстар белгіленген мерзімге сай орындалуда.
