Отбасын қолдау орталығында ерекше балаларға арналған «Жайдарлы жазбен көңілді» тақырыбында сергіту іс-шарасы ұйымдастырылды.
Бұл шараның мақсаты – балалардың шығармашылық қабілеттерін дамытып, жазғы кезеңнің қуанышты және ерекше атмосферасын сезіндіру, олардың өздерін еркін әрі сенімді сезінуіне жағдай жасау. Семинар барысында балалардың психологиялық жағдайы мен әлеуметтену қабілеттері жоғары деңгейде назарға алынды.
Шығармашылық және ойын сурет салу, музыка, мүсіндеу арқылы бала өз сезімін, ойларын, армандарын білдіре алады. Балалар әртүрлі шығармашылық тапсырмалар орындап, түрлі ойындар мен жаттығулар арқылы өздерін танып, өзіне деген сенімін арттырды.
Балалар үшін жазғы күндер мен табиғаттан шабыт алу, ашық аспан астында шығармашылық жұмыстар жасау ерекше әсер қалдырды. Әрбір бала өздігінен, топпен немесе психологтармен бірге жұмыстанып, позитивті энергияға толы болды. Олардың күлкісі мен қуанышы іс-шараның ең басты жетістігі болды.
Орталық психологтары балаларға тренингтер өткізді. Сергіту тренингтер арқылы балалардың мүмкіндіктері көрініп, өмірге деген оң көзқарастарын қалыптастырды. Бұл шара балалардың әлемді тануға, өздерін қоғамның толыққанды мүшесі ретінде сезінуіне ықпал етті.
Шара соңында “Отбасын қолдау орталығы” мекемесінің бөлімше басшысы Б.Саржанов ерекше балаларға тілегін айтып, сый-сияпаттар табыстап, балалардың қуанышы мен ризашылығымен бөлісті.
Аталған іс-шара арқылы – балалардың өзін бағалауға, қоғамда өз орнын сезінуге ықпал етті. Жайдарлы жаздың әр сәтін ерекше етіп өткізіп, балаларымызға жарқын болашақ сыйлайық!
