Сауран ауданы, Шорнақ ауылының Қосмезгіл елді мекенінде жаңа футбол алаңшасының ашылуына орай «Есірткі бизнесіне жол жоқ» атты ұранмен кіші футболдан Сауран ауданының ашық біріншілігі өтті.
Жарысқа аудан мен өңірдің әр ауылынан жиналған 16 команда қатысты. Жастардың спортқа деген қызығушылығын арттыруға, салауатты өмір салтын насихаттауға және нашақорлыққа қарсы күрес бағытында өткізілген бұл дода жоғары деңгейде ұйымдастырылды.
Шараға Сауран ауданының әкімі Мақсат Таңғатаров арнайы қатысып, спортшыларды жаңа футбол алаңшасының ашылуымен құттықтап, жарысқа қатысушыларға сәттілік тіледі.
Тартысты өткен ойында жеңімпаздар анықталды:
1-орын — Сауран БЖСМ №1 командасы
2-орын — Сауран Бұқаралық және спорт түрлерін дамыту клубы
3-орын — Түркістан БЖСК командасы
Жеңімпаз командалар арнайы кубоктармен және бағалы сыйлықтармен марапатталды. Бұл бастама ауыл жастарының спортпен айналысуына жаңа серпін беріп, өңірде бұқаралық спорттың дамуына үлес қосты.
Сауран ауданы әкімдігінің баспасөз қызметі.
